Skapabarmar

Innri skaparbarmar gegna mikilvægu hlutverki hjá konum. Þeir vernda og viðhalda raka í snípnum, þvagrásinni og leggöngum. Það er eðlilegt að það sjáist í þá og það gerist við kynþroska. Í örfáum tilvikum geta þeir valdið konunni óþægindum ef þeir eru mjög síðir og hanga niður fyrir ytri barma. Óþægindin geta verið við samfarir, hjólreiðar, klæðnað og fleira.

Þetta er sjaldgæf aðgerð og er það reynsla okkar að henni hefur ekki farið fjölgandi undanfarin ár. Við framkvæmum þessa aðgerð í svæfingu og oftast er aftari hluti skaparbarmsins fjarlægður, fremri hlutinn saumaður niður. Eftir aðgerð er mikilvægt að gæta fyllsta hreinlætis eftir salernisferðir og samfarir ekki ráðlagðir fyrstu 6 vikurnar.